وشوش
بقلم: عزت أباظة
وشوُش كتير جوايا
صعاليك حيارى معايا
وكمان وشوُش سلاطين لعروش
وش الصراحة، وش القباحة
وش البجاحة، وكمان حرفوش
أنا أنهو وش في الوشوُش؟
اللي انحرق؟ اللي انسرق؟
فين العيون؟ فين الرموش؟
وشي ورق، وشي غرق
أنا وشي مجهول معرفوش
وشي بلون الحزن
وملامحي عفريت جن
عيونه حمرا ما بيناموش
وشي بلون المر
وشي ملامح شر
بشراسة لايقة بالوحوش
أنا بهلوان المسرحية
بلياتشو ضاعت منه ملامحه
من كتر رش البوية ما بيبانوش
أنا وشي أصبح سادة
ضاعت منه السعادة
مع أنه كان طول عمره بشوش
لقراءة المزيد من المقالات مجلة ريمونارف
لمتابعة كل ما هو جديد من هنا
