عارفك محتارة
عارفك ندمانة
عارفك تستاهلى كل اللوم
ادخلى بروفايلي في آخر اليوم
فتشي عن نفسك في كلامي
هتلاقي آلامي
هتلاقى فتافيت أحلامي
فتافيت مكسورة
عمرها ما هترجع مجبورة
ادخلى بروفايلي في آخر اليوم
ركزي في كلامي وهزاري
واعرفي أخباري
ادخلي للبنت اللي بتعمل لايكات وقلوب
فتشي عندها على أي دليل
على أي ذنوب
خليكي ناسياني
من كتر ما قلبك قاسي عليَّ
أنا شايف إنك مش شايفاني
أنا حاسس إنك كارهاني
أو مش عايزاني
أنا لما عنيا جت في عنيكي
ما لقيتش مكاني
ماتت جوايا حاجات حلوة
ما أظنش أبدا ترجع تاني..
