سكوووت
عمرك سمعت للسكوت صدى صوت؟!
صدى قادر يهد جدران البيوت
صدى قادر يصيبك بالصمم
وكأنه قادر يعبر كل الحدود
برغم إنه سكوووت
قادر يزلزل كلمتك
قادر يهد قوتك
سكووووت
أصل السكوت أصبح قرار
وكأنه آلة بدون أوتار
من فترة بطلت تعزف
قبل ما تحس أو تختار
آلة عارفة قيمة عزفها
ولا يمكن تضيع وقتها
مع أي حد ضيع حقها
ولا قدر قيمة عزفها
آلة قررت السكوت
ويوم سكوتها
بدأ يتعب حبيبها
بدأ يدور عليها
عايز يسمع عزفها
عايز يحس أنسها
وحيد هو في بعدها
وأول ما عرف مكانها
بدل ما يسأل عن حالها
وليه انطفى جمالها!
قالها اعزفي
بس كان ردها
سكوووت
وكان للسكوت وقتها صدى صوت
