ما كانش يصح

ما كانش يصح

بقلم: رشا كمال

مَا كانِش يصح إنى أبوح
مَا كانِش يصح إنى أكون كتاب مفتوح
وكان لازم أعذب قلبه وأزرع فيه ندوب وجروح.
وكان لازم ف حبى أخبى وما ابينش
وكان لازم أسهّر قلبه طول الليل عيونه ما تنامش
وكان لازم عليه أتقل ومهما أشوف الحيرة فـ عيونه له ما ارحمش.
ومهما القلب له يضعف ويبكى عليه أنا ما اضعفش
لكن ما حصلش
وكل اللى حصل إنى بادلته الحب بسلاسة، وعمرى ما ضمرتله خباثة
ما حطتلوش على قلبى أنا حراسة
وخضت معاه الحب بسهولة وبحماسة
وآخرتها أهو راجعة مقهورة ومحتاسة

كفرت خلاص بدنيا العشق والعشاق
وبعلنها لكل الناس، أنا من الحب قلبى براء
وليه نهدر فـ أعمارنا لقاء فى فراق؟
وليه نزرع فـ أرض الحب خير وورود، نلاقى الطرح ألم وجفاء؟
سلام ياحب، ياللا سلام
أنا مفارقة
وهرحم قلبى م الحرقة
وتوبة ان كنت تانى أعود..

لقراءة المزيد من المقالات مجلة ريمونارف

لمتابعة كل ما هو جديد من هنا