ما حصَلش حاجة
بتقولي ازاي، ما حَصَلش حاجة؟
طب والحلم اللي مات
والبيت اللي كله ذكريات
وكل ركن فيه مليان حكايات
والقلب اللي اتكسر
ما بقاش منه غير فتات
كل ده عندك ولا أى حاجة؟!
فعلا ما حصلش حاجة!
ما هو اللي هان عليه
عشرتنا الطويلة
وراح وباع وساب وراه
قلوب بريئة
فايتها للضياع
وراح يدور على دنيا جديدة
ولا قال حتى كلمة وداع
ازاي يحس باللي جوانا
من أوجاع؟!
أكيد هيقول ما حصلش حاجة
ولا أصلا تبقى فارقة معاه أى حاجة
بس أكيد هييجي يوم
تندمي فيه على اللي راح
وتعيشي سواد ليالينا
وتعود لنا الأفراح
ولا راح ينفع ندم
ولا يشفعلك طلب السماح
وتتبدل دموعنا لفرح
وتتبدل ضحكتك لجراح
وساعتها نقولك احنا بقى
ما حَصلش حاجة
ونشوف دموعك
ولا يفرق معانا أي حاجة
لأنه فعلا
ما حصَلش حاجة..
لقراءة المزيد من المقالات مجلة ريمونارف
لمتابعة كل ما هو جديد من هنا
