وَدَّعِيني

وَدَّعِيني

بقلم: عبد الله البنداري

وَدَّعِيني

وارحميني مِن عذابكْ

ودَّعِيني

مُش هَعيش عمري مَعاكِ

حب ضايِع مِن سِنيني

دا فـ غرامك كل قسوة

وفـ حنانك وفـ حنيني

وفـ كلامك وفـ عيونك وفـ سلامك

ودَّعيني

ليه يادوب قلبي معاكِ؟

وليه يدوق وحده العذاب؟

كل كِلمة سِمِعها منّك

كان يقول يا واد كداب

كان بيحس إن حبك

زي بحر ما لوش قرار

روحت سابح فيه لوحدي

غَصب عني مع التيار

ليه يحبك قلبي انتِ

وانتِ مش قابل هواه

مش حرام تبقَى حياتي

مِلْكْ قلبك وفـ رضاه

ليه أكون كِلْمة فـ لسانك

مش في قلبك حبي آه

آه مِن عذابك

مِن غرامك

أيوه آه

إنتِ فاكره إنّ قلبي

مش حيقدر يِنسى ليه؟؟

زيّ ما تكوني اشتريتي

مِنّي قلبي مِن إيديه

ليه بتنسِي إنّ حبي

مش كلام مَختوم عليه

كل عِيبِك مِن غرورك

مش في حبي ولا إيه؟

وَدَّعيني

وارحمي قلبي اللي حَبّك كل حب

لو تطوفي الدنيا

مش حتلاقي زَيُّه أيّ قلب

ولا حنسَى غرامك

مهما كان البُعد ذنب

مهما روحنا وافترقنا العمر كله بعد حب

ودَّعيني..

لقراءة المزيد من المقالات مجلة ريمونارف

لمتابعة كل ما هو جديد من هنا