مهرجان الكوميديا السوداء
بقلم: عمرو يسري
زمان قالو اتلم خايب الرجا على المتعوس
أنا قولت أروح معاهم نسهر سهرة سمر
ما أنا المنحوس
معرفش مين بدأ الكلام فجأة واتقلبت مزاد
مين فينا أكتر ألم
كل ما حد يحكي، التاني يبكي
جرح غيرك ساعات بيفكرك بجرحك اللي اتنسى
تبكي معاه يفتكرك متأثر بجرحه
وانت يادوب جرحك شبه جرحه
قعدنا وقت لو بالمآسي اللي اتروت قول سنين
كان في واحد قال يكسر الجو الحزين
قال حد منكم سمع آخر نكتة
قولنا له قول وانسجمنا
وعلى جروحنا ضحكنا
لكن فجأة نزلت من القلوب أنهار الدموع
واندمج صوت الضحك مع البكا
يعدوا علينا يفتكرونا سكارى
ما يعرفوش إن كتر الجروح له تأثير الخمور
لقراءة المزيد من المقالات مجلة ريمونارف
لمتابعة كل ما هو جديد من هنا
