أنا مش مصدق
كل السنين دي ما نستكيش!
أنا اللي سبتك واخترت
غيرك وما زعلتيش
وراجعلك مكسور قلبي
وبتضميني وما شمتيش
حبيبتى
أنا مَستاهلكيش
مين غيرك تقدر تسامح
وتنسى وتداوي الجراح؟!
مين غيرك تنسينى
ظلم الليالى
وتهدينى نور الصباح؟!
أنا ندمان وآسف
أنا بعتك وانتي
اشتريتي ما بعتينيش
حبيبتى أنا مَستاهلكيش
اوعد عيونك ما اشوف
غيرها تاني
واوعد فؤادك اسقيه
من حبي وحناني
واوعد قلبك أحقق له
كل الأماني
ولو فكرتي يوم تاني
بعيد عنك أعيش
يبقى أنا حبيبتي
مَستاهلكيش..
لقراءة المزيد من المقالات مجلة ريمونارف
لمتابعة كل ما هو جديد من هنا
