ما تلومينيش
بقلم: ناجح شرقاوي
ما تلوميِنيش
انتِ جرحتي قلبي، وغبتي
وهي ضمت جرحي، وداوت
وانتِ في نقطة ضعفي طعنتي
وقولتي اديتك فرصة، وضاعت
يبقى حقي أرد كرامتي
وحقها عندي أحلام فاتت
ما تلُومينيش
انتِ اخترتي حبيب غير قلبي
شوفي قلبي، واللي جراله
يبقى الظلم ارجعلك تاني
واحرم قلب صان حبي وشاله
لو هتلومي..
لومي عليكى
هي استنت عمر بحاله
مَا تلوميِنيش
اللي شاريني جه جري عليا
واللي بايعني اختار غير قلبي
وقت وقوعي، سبتي إيديا
واللي فايتها سنين، جت جنبي
يبقى أشيلها في نني عنيا
وتعيش في قربي أيامها الجاية
لقراءة المزيد من المقالات مجلة ريمونارف
لمتابعة كل ما هو جديد من هنا
