ليل الغلابة
بقلم: مصطفى أبو زيد
ليلِ الغلَابة طويل وحزين
وقلوبهم زي أزهار الياسمين
تعالى يا شعر الغلابة، يا نجم
أنفض ترابك، أخرج من القبر
واصحى من بدري
وقول يا هادي يا كريم
شوف بهية ازاي شالت الهم؟!
يا نجم، ساد فينا الظلم
جهز قلمك الرصاص والحبر
مشتاق لكلامك؛ البلاد بتئن
بتلقط لقمة عيشها
وبتداري جوعها
فاضي مكانك، الكل بيفر
الخوف شاع وانتشر الجبن
فين أيامك فين يا نجم
يابو الغلَابة الطيبين!
موتك جالك قبل حلول الفقر
حتى قلب الضحكة حزن
كانت حياتنا بسيطة
يكفينا جوز جنيهات وأمن
يا عم نجم، هو كان إيه السر؟
عاش كلامك ومات جسمك حر
ويا خوفي من زئير الأسد
إذا خرج من العرين، يا نجم!
لقراءة المزيد من المقالات مجلة ريمونارف
لمتابعة كل ما هو جديد من هنا
