فاتت جنبي وضحكت
خطفت قلبي وعيوني
سرقتني بنظرة واحدة
والناس ليه بيلوموني
عاوزيني عنها أبعد
وعليها بيحسدوني
يا حكاية جوا قلبي
ودموعي بيسبقوني
شمس تنور حياتي
مرسومة وف جفوني
وقالولي مش حقيقة
يا خسارة بيخدعوني
صافية وحلوة ورقيقة
ورموشها بيسرقوني
مش ممكن عنك ابعد
يا حبيبتي أو تهوني
هوهبلك عمري كله
وهكونلك لو تكوني
بس اوعى تبيعي قلبي
أو تنسي أو تخوني
وتعالي انا وانتي نحلم
نهزم خوفي وظنوني
يا سنين عدّت عليا
ونجوم بيفكّروني
إنك غالية وقريبة
مهما كتير يبعدوني
ومعاك هعدي صعبي
مش ممكن يهزموني
انتب منايا ووعدي
منِّك ليه يحرموني
لقراءة المزيد من المقالات مجلة ريمونارف
لمتابعة كل ما هو جديد من هنا
بقلم: محمد عبد العزيز رمضان
