علموني
بقلم: نشوة أحمد علي
علِّموني أكون مسامح
والتجريح من حقهم
اهتموا باللي يخصني
واتغاضوا عن اللي يخصهم
والقلب عارفه اللي خلق
لا اتجبّر، ولا كان زيهم
القلب هايف بالقوي
يتعافى بس فـ ضِلّهم
القلب خايف ينكوي
ياما ذلّوا فيه ولا مسّهم
رابط لسانه ومنطوي
مانع دموعه تبان لُهُم
جايز في يوم يرجع قوي
ويلاقي نفسه فـ بعدهم
ياخد بتاره من اللي جرح
أو ينسى أو يغفر لهم
دول علموه معنى التسامح
ونسيوا يعلموا نفسهم
لقراءة المزيد من المقالات مجلة ريمونارف
لمتابعة كل ما هو جديد من هنا
