شعور إحساس مكسور مهدور
على صُحبة والكل كانوا أحباب
إيد واحدة لما طلعنا والساحة مليانة
والمشورة سبب نجاحنا
والكل بنجاحنا شهد، سقّـف وهنانا
رغم إن صوتنا اتنبح ولسه ما شبعناش
وكلامنا من جرحنا
نقول دا مربوط شاش
والكلمة لو تطلع لازم تكون بحساب
ما هو كل شيء معروف
واضح كمان مكشوف
مكتوب كمان في كتاب
لو النوايا في الرحيل
أدينا دوبنا في ملح
توهنا وكمان شوفنا
ميت جرح فوق الجرح
والسهر ليلُه نار وتعب وعذاب
ولما جينا نتكلم
سكت الكلام بينا
بين الحقايق والحوار شعرة
لأ دي كانت سِنة
حتى السلام مكتوم
وما حدش فكر مين مظلوم؟!
حقه في كلامه عتاب
جبر الخواطر كلمة
يتهز ليها القلب
يفرح يقول غنوة
ولحنها ضحكة
ملامحها تملا الروح
لو حتى لبن انكب
ننسى اللي فات نرجع
ونوايا تصفى بجد
ولو الكلام يوجع
فين الصحاب تسمع؟!
تصفى القلوب تمنع
لو حرب
تتبدل بالكلمة، يبقى الحب
والمغزى في الإعراب
بين الحبايب عتاب
