بره الوهم..
بقلم: تهاني بركات
بره الوهم..
لما صليت الاستخارة
قلبي ما صدقش الإشارة
حب قلبي يعيش بكيفه
عاند الكل في طريقه
والتحدي أساس حياته
من ولادته ليوم وفاته
كان تملي فارد جناحه
والصعاب مش فـ حساباته
كان تملي غاوي الغناوي
والحكاوي سر فـ حياته
ومرة واحدة فاق في كفنه
شاف حقيقة بره وهمه
شاف حياته حلم وعدى
كان صغير في لمحة عدى
غمض عينه رافض يصدق
إن الحياة ضحكت عليه
سرقت منه أغلى ما عنده
سرقت راحته وقيمته وهدفه
شغلت قلبه بالمستحيل
إنه ليها مالك أصيل
يلا لملم بقايا جهلك
شد رحالك واستنى سفرك
يوم ميلادك كان يوم لذيذ
ويوم انسحابك يوم طويل
جوه كفنك خد ذكرياتك
معاها عملك وكل حكاياتك
خد معاك أصلك وفصلك
ويا ريت كمان تاخد مواقفك
ينفعوك ساعة السؤال
بس قولِّي يا ابن آدم
إيه يفيدك لو ذنوبك
مسكت في توبك
ساعة الحساب؟!
لقراءة المزيد من المقالات مجلة ريمونارف
لمتابعة كل ما هو جديد من هنا
