بتقُولي كتمان!
الكلمة دي فقرة ماسبيرو زمان
كنا بنستحمل ونخزن
وبنضحك للشيء المحزن
دلوقتي لا عاد ولا فالممكن
نتلم على طبيخ حمضان
بتقُولي كتمان!
سامحيني ما عنديش استعداد
أستحمل أي كلام لو زاد
منزوع الصبر ودايق المر
وما ليش في اتقال واتعاد
بتقُولي كتمان!
طب إيه الناتج والحاصل
من جمع الحسرة على فواصل
وتحمل خلق يستاهلوا الشنق
ونقول نستحمل ونواصل؟!
كلمة كتمان، ليها ناس وأوان
دلوقتي الكل صبح بهتان
يظهر في كلور، غسل الألوان
قد يبدو لمن ينظر أمري
إن قناعاتي محتدة
وبإني قاسي
وتتسم ردودي بالحدة
لكني أحبطت بصمتي
وبدوت بكف مرتعدة
فجحدت مراعاة قطيعا
الآن، لن أوقر أحدا.
