انتِ مش انتِ
بقلم: ناجح شرقاوي
حبي ليكي، وشوقي ليكي
وفكري فيكي ليل نهار
كل دي مش خطايا
انتِ اللي فقدتي
ذاكرة الحب
وما بقيتيش عارفة نفسك
بصي كدا في المرايا
انتي دي؟!
دي ملامحك؟!
دي ملابسك؟!
دي طريقتك؟!
انتي مش انتي وانتي مش معايا
انتي كل يوم في حالة
كل ما تتقدمي خطوة
بترجعي تاني خطوات
بتسرحي في أيامي وهوايا
وتقربي لدقايق
وتبعدي تاني بالساعات
بعدك نساكي نفسك
نساكي قلبك
وبتهربي حتى من الذكريات
أنا بقولها بأعلى صوت
آه بحبك ولسه عايزك
وانتي أسيرة لجُبنك
لا انتي قادرة تقوليها
ولا انتي حتى بتنكريها
ولا بتخرجي من حبي اللي حاضنك
مش عشان يعني افترقنا
هندوس على الزر وننسى
أنا قلبي أجرأ من قلبك
وانتي عيشي جوه سجنك..
لقراءة المزيد من المقالات مجلة ريمونارف
لمتابعة كل ما هو جديد من هنا
