ضحكة زي ما قال الكتاب
من القلب، لكن مجرد اِكتئاب
كانت ابتسامة على الوش
استقبلت من العين دمعة
قالوا إنها من الفرحة
خلطوا ما بين صوت
الضحكة والدمعة
وقالوا دي فرحة
من كتر نومي
قالوا سعيد ومتهني
هربان من الحياة
يا حزين
والعمر بيعدي
زاد الجرح ألم
وصلني للهذيان
بضحك بكل الألم
ضحكة سكران
برقص على أي صخب
يداري صخبي رقص المدبوح
ما انا المجروح
ضحكة زي ما قال الكتاب
من القلب
لكنه مجرد اكتئاب
