أنا العاشق
بقلم: محمد عبد العزيز رمضان
أَنا العاشِق أنا المجنون
وكل الناس يلوموني
ومش هرضى عليا تهون
حبيب القلب يا عيوني
وصدقتك ومش عارف
لفين بكرا هيخدوني
أنا خايف أكون لعبة
نهاية القصة تنسوني
أَنا بحار في بحر هواك
غريق تايه بيرموني
أَنا كلمة في كل كتاب
شهيد الغدر تسقوني
أَنا عنتر بلا عبلة
وقلب حزين ظلمتوني
وقلت كتير كدا عني
وهان حبي وبعتوني
ومهما تقول انا هبعد
بنار حبك حرقتوني
خلاص قلبي نسي حبك
وهان ودك خسرتوني
وآه منك ومن غدرك
َومين غيرك يداووني
أَنا العاشِق عشقت عنيك
ونار بعدك بيكووني
وليل الهجر يا ويلي
وبالأشواق جرحتوني
وكان الحب كله كلام
أسير أوهام وخنتوني
وقلت خلاص هكون جنبك
ومن يومها فرقتوني
وعشت حياتي من بعدك
بدمع عيوني وشجوني
وسلمتك أنا روحي
نجوم الليل يواسوني
وما سمعتش ندا قلبي
رمتني في همي وظنوني
وكان ذنبك ومش ذنبي
كفايه حرام تلوموني
لقراءة المزيد من المقالات مجلة ريمونارف
لمتابعة كل ما هو جديد من هنا
